Mashinda a Kwisambilamo

Kutatula Mafunjisho a Baibolo pa Kibelushi Kitanshi mu April

“Mu ano moba akatazha, atweba bonse tupita mu makatazho alengela bisemi kwikala na bijikila. Mwalanguluka’mba kwepi ko twakonsha kutana lutangijilo lwakonsha kwikwasha kulengela kisemi kyetu kwikala kya lusekelo?” Lekai akumbule. Apa bino mupe mwina nzubo Kyamba kya Usopa kya January–March ne kwisambila pamo byambo biji panshi ya kamutwe kamo pa mitwe iji pa mapa 16 ne 17 kabiji mutangepo ne kinembelo kimo pa byo bamwesha. Mushilai magazini ne kumvwañana kimye kyo mukabwelako na kwisamba bwipuzho bukwabo.

Kyamba kya Usopa January–March

“Bantu bavula bamba kuba’mba Lesa wa bulume bonse ye wa butemwe, mwakonsha kwambapo’mba ka pa byambo bya kuba’mba kuji ‘kimye kya kwipachilamo’? [Lekai akumbule. Apa bino mutange Musapwishi 3:8.] Mu Baibolo Kyambo kya kuba’mba ‘kwipachilamo’ bekingijisha mu mashinda apusana pusana. [Mu mweshai jifuka jitanshi pa kamutwe kacheche kaji pa jipa 15] Kino kibaba kyamwesha byubilo bimo Lesa byo apata. Kabiji kyaamba ne pa byo kyakonsha kukwasha muntu wa byubilo byatama kutambwila butemwe bwa Lesa.”

Awake! April

“Tubena kwisamba na bisemi. Abya mwayuka kuba’mba bisemi bipita mu makatazho avula lelo jino nyi? [Lekai akumbule.] Akimonai bisemi ko byakonsha kutana bukwasho. [Tangai Salamo 119:105.] Uno magazini waamba pa bintu byakwasha bisemi byavula kushinda makatazho, kupichila mu kulondela mafunde a mu Baibolo.”