Mashinda a Kwisambilamo

Kutatula Mafunjisho a Baibolo pa Kibelushi Kitanshi mu November

“Bantu bavula baitabila kuba’mba Lesa ukachibila bantu mambo pa Juba ja Kije kwesakana na byonka byo boba. Nanchi mulanguluka amba juba ja kije ke juba ja lusekelo nangwa jilengesha moyo nyi? [Lekai akumbule.] Monai byaamba uno magazine.” Pai mwina nzubo Kyamba kya Usopa kya October–December ne kwisambila pamo byambo biji panshi ya kamutwe kamo pa mutwe uji pa jipa 16 kabiji mutangepo ne kinembelo kimo pa byo bamwesha. Mushilai magazini ne kumvwañana kimye kyo mukabwelako na kwisamba bwipuzho bukwabo.

Kyamba kya Usopa October–December

Tangai Masalamo 65:2. Ne kwamba’mba: “bavula baswa amba Lesa ‘Umvwa milombelo,’ kabiji kino kibalengela kulomba moba onse. Nangwa byonkabyo bamo bakumya ne kwipuzha amba ‘umvwe Lesa koaji mambo ka makatazho kyo avujila pano pa ntanda?’ Nga anweba mulangulukapo amba ka? Nanchi mulanguluka amba kujipo Lesa umvwa milombelo yetu nyi? [Lekai akumbule.] Uno magazini waamba pa Baibolo byo akumbula buno bwipuzho bwa kuba’mba: ‘Mambo ka Umvwa milombelo kyo aswishisha buyanji?’”

Awake! November

“Tubena kwisamba na bisemi. Bisemi byabula bena kwabo byavula bingi. Nanchi mwalanguluka amba bapita mu makatazho avula kukila baji na bena kwabo nyi? [Lekai akumbule.] Bisemi byavula bitana bukwasho kufuma mu Baibolo. [Tanga 2 Timoti 3:16.] Uno magazini waamba pa mashinda akonsha kukwasha bisemi byabula bena kwabo kwikala bulongo.”