Mashinda

A Kutendekelamo Mafunjisho a Baibolo pa Kibelushi Kitanshi mu August

“Mwakiipuzhapo kala ene mambo Lesa o aswishisha bubi ne makatazho kwikalako nyi? [Lekai akumbule.] Mbena kukeba kwimumwesha kintu kimo kyawama pa uno mutwe.” Tangilai pamo byambo biji panshi ya kamutwe katanshi kaji pa jipa 16 mu Kyamba kya Usopa kya July-September ne kinembelo kijimo. Mushilai magazini ne kumubula’mba mukabwelako na kukumbula bwipuzho bwalondelapo.

Kyamba kya Usopa July–September

Tangai Salamo 37:10, 11. Apa bino mwambe’mba: “Nanchi mwalanguluka’mba uno mulaye ukafikizhiwa katataka nyi? [Lekai akumbule.] Uno magazini waamba pa bungauzhi butanu na bumo bwa mu Baibolo bo tubena kumona na kufikizhiwa lelo jino. Kabiji buno bungauzhi bonse bumwesha’mba uno mulaye kechi uji kwalepa ne, ujitu pepi kufika.”

Awake! August

Mbena kukeba kuyuka byo mulangulukapo pa kino kyepelo. [Tangai 1 Samwela 16:23.] Kwesakana na kino kyepelo, nyimbo iji bingi na bulume. Nanchi mwalanguluka’mba nyimbo imo yakonsha kulengela muntu kwikala na byubilo byatama nyi? [Lekai akumbule.] Uno magazini walondolola bulongo byo twakonsha kusala nyimbo yawama kabiji ne byo twakonsha kukwasha baana betu nabo kuba byonkabyo.”