Mashinda a Kwisambilamo

Kutatula Mafunjisho a Baibolo pa Kibelushi Kitanshi mu August

“Bantu bavula batemwa kulomba. Ne bantu babula kumuyuka Lesa nabo balomba umvwe baji mu lukatazho. Nanchi mulanguluka’mba Lesa umvwa milombelo yonse nyi?” Lekai akumbule. Mumweshai Kyamba kya Usopa kya August 1, ne kuya pa jipa japelako. Isambai nanji pa kamutwe katanshi ne kutangapo kinembelo kimo pa byo bamwesha. Mupai Kyamba kya Usopa ne kumulaya kimye kyo mukabwela na kwisamba bwipuzho bwalondelapo.

Yukai’mba: Byo mukasambakananga pa kuya mu mwingilo pa 3 August mukobe kimwesho kwingijisha jishinda jiji peulu.

Kyamba kya Usopa August 1

“Tubena kwisamba na balunda netu pa kintu kimo kibena kumwekanyika pano pa ntanda, kutamba bya mulekese. Bamo baamba’mba kutamba bya mulekese kwatama. Bakwabo baamba’mba kujitu bulongo. Nga anweba mulangulukapo’mba ka? [Lekai akumbule.] Yesu waambile’mba twafwainwa kuyuka kintu bulongo, poso twayuka bintu bifumamo kana byawama nangwa byatama. [Tangai Mateo 7:17.] Uno Kyamba kya Usopa waamba pa bintu byatama biji mu kutamba bya mulekese. Kabiji waamba ne pa bishinka byakonsha kwitukwasha kubula kutamba bya mulekese.”

Labainga! July–August

“Tubena kwisamba na balunda netu pa bumbanzhi. Bamo balanguluka’mba bumbanzhi bwakonsha kupwa umvwe kwaikala bakapokola bavula. Nga anweba mulangulukapo amba ka? [Lekai akumbule.] Abya mwaketekela amba bumbanzhi bwakonsha kupwa nyi? [Tangai Salamo 37:10, 11.] Uno Labainga waamba pa uno mulaye ne pa bishinka byakonsha kwituzhikijila ku bumbanzhi.”