Mashinda a Kwisambilamo

Kutatula Mafunjisho a Baibolo pa Kibelushi Kitanshi mu April

“Tubena kutundaika balunda netu kutanganga Baibolo. Bantu bamo balanguluka’mba Baibolo wakatazha bingi kumumvwa. Nanchi kine nyi? [Lekai akumbule.] Akyumvwai ino mitwe byo yaamba.” Mumweshai Kyamba kya Usopa kya April 1, ne kumwambila amba amone jipa japelako, isambai nanji pa kamutwe ka kutendekelapo ne kutanga kinembelo kimo. Mushilai magazini ne kumvwañana nanji juba jo mukabwelako na kwisamba bwipuzho bwalondelapo.

Kyamba kya Usopa April 1

“Bantu bavula batemwa kwijizhañanya pa bintu byatama. Kino kyalengela bavula kubula kuyuka kyo twaikelako. Nanchi mwakonsha kwambapo amba ki ka kyalengela kubula kwikala balusekelo lelo jino? [Lekai akumbule.] Baibolo walaya kuba’mba katatakatu Lesa akafumyepo bintu byonse byatama. [Tangai Lumwekesho 21:4.] Uno Kyamba kya Usopa waamba pa milaye ya kulutwe ne byo twakonsha kwikala balusekelo kino kimye.”

Labainga! March ne April

“Lelo jino bantu bavula batemwa kuvilukila ku byalo bikwabo na mambo a kukeba kwikala bulongo. Nanchi mulanguluka’mba bekala bulongo nyi? [Lekai akumbule.] Kuviluka kwatendekele kala. Akiumvwai Baibolo byo aambapo pa bantu bamo bavilukile. [Tangai Ntendekelo 46:5, 6.] Uno Kyamba wakumbula ano mepuzho.” Mweshai muntu ye mu bena kwisamba nanji mepuzho aji pa jipa 6.