Bya Kwamba pa Kusha Magazini

Kyamba kya Usopa Aug. 1

“Umvwe ke tumone bantu babena kuyanda nangwa kampe atweba bene ketupite mu makatazho na mambo a misalululo nangwa nshiji, twakonsha kuba ke tuzhinauke amba nanchi kine Lesa umona kuyanda kwetu nangwa kumvwa milombelo yetu nyi? Mwakonsha kwambapo amba ka? [Lekai akumbule.] Milaye ya mu Baibolo ku boba bapita mu ano makatazho kine itekenesha bingi. [Tangai Masalamo 34:19.] Kino Kyamba kya Usopa kyalumbulula Lesa byo ata bantu muchima.”

Awake July

Umvwe mwasambakana wakyanyike, mwakonsha kwamba’mba: “Bakwenu bavula bakimino kimo nobe obewa babena kulanguluka pa mambo a masongola. Kwepi ko wakonsha kulanguluka amba ko ko wakonsha kutana bishinka byawaina pa uno mutwe? [Lekai akumbule.] Akimona watendekele masongola. [Tangai Mateo 19:6.] Ino magazini muji mafunde a mu Baibolo a kwitukwasha kwikala na masongola a lusekelo.”

Kyamba kya Usopa Aug. 1

“Ano moba kibakumbanetu konse kumona bantu saka bayanjisha bakwabo. Nanchi bintu byakonsha kuwama umvwe bantu bavula kebengijishe bino byambo bya kwa Yesu nyi? [Tangai Mateo 7:12. Apa bino muleka akumbule.] Ino magazini yamwesha kufuma mu Baibolo abyo lūsa lwa muntu lwa kwikala wakinjikwa byo lukafikizhiwa.”

Awake Aug.

“Atweba bonse tukeba kusunga butuntulu bwa mubiji bulongo. Nanchi mwayuka amba badokotala bavula ano moba bakankazhama bingi kubika bantu mashi mu mubiji nyi? [Lekai akumbule.] Ino magazini yalumbulula ene mambo o bobila bino. Kabiji yalumbulula ne kufuma mu Baibolo ene mambo Lesa o amwena mashi kwikala anema.” Tangai Bena Levi 17:11.