Bya Kwamba pa Kushajika Magazini

Kyamba kya Usopa Aug. 1

Byo tuji bantu, bimye bimo tukeba bakwetu kwitubulako maana nangwa mashinda amo mwa kubila bintu. Abya kyanema kulangulukishapo pa oo maana nangwa kya kuba awo witubulako mulunda netu ye twaketekela nyi? [Lekai akumbule.] Ino magazini yaamba pa bintu biji mu buku Mutanshi wa Bamfumu uji mu Baibolo kimye bamo kyo bakankelwe kulangulukapo bulongo pa milanguluko ya boba bantu bebabujilengako maana kabiji ne byafuminemo. Tangai 1 Bamfumu 12:8, 19.

Kyamba kya Usopa Aug. 1

Kuzhokoloka ntanda kuji bantu bavula bingi baji mu bupopweshi kabiji bakebesha kutwajijila kwikala bakishinka nangwatu mu kimye kya meseko. Nanchi mwakilangulukapo kala bintu mupopweshi mo afwainwa kwikala wa kishinka nyi? [Lekai akumbule apa bino mutange Luka 16:10.] Ino magazini yaamba kuba’mba kuyuka mwakubila na meseko akatampe kechi kyo kintu kikatampe kimwesha bukishinka bwetu ne.

Kyamba kya Usopa Aug. 1

“Bantu bavula lelo jino babena kushupikwa na milanguluko ya kwiumvwa babula kunema. Mwalanguluka’mba ki ka kyafwainwa kubiwa kwibakwasha? [Lekai akumbule.] Ino magazini yaamba pa Baibolo byo akonsha kukwasha muntu kutana lusekelo lwa kine.” Ambai pa binembelo byasendalala byanembwa mu bifita pa kamutwe ka kuba’mba “Baibolo Wakonsha Kwimukwasha Kwikala na Lusekelo.”

Kyamba kya Usopa Aug. 1

Bantu bavula lelo jino balanguluka kuba’mba Lesa kechi watako muchima ku makatazho o babena kupitamo ne. Nanchi ne anweba mwakilangulukapo kala bino nyi? [Lekai akumbule apa bino mutange Mateo 10:30.] Ino magazini yaamba pa bino byambo bichechetu byaambile Yesu, pano bino byanema bingi. Twalayiwa kuba’mba, na mambo a kuba nsuki yetu Lesa wiibala, wituta bingi muchima kabiji wateshako maana ku bwikalo bwetu bonse.