Bya Kwamba pa Kushajika Magazini

Kyamba kya Usopa Aug. 1

“Lelo jino mu ntanda, ‘mizhilo’ ingila bingi mu kukanya bantu kubapo bintu bimo. Abya mwakiipuzhapo kala umvwe kujipo muzhilo wibatokela bantu ku muchima kumulondela nyi? [Lekai akumbule, apa bino mutange Masalamo 1:1, 2] Ino magazini yaamba pa mizhilo ya Lesa byo iji kabiji ne byo ituletela lusekelo umvwe twiikokela.”

Kyamba kya Usopa Aug. 1

“Na mambo a kwabenamo kwa bantu, bamo balanguluka’mba mutende wakonshatu kwiya kupichila mu kafulumende wa ntanda yonse. Abya mulanguluka’mba kino kyakonsheka nyi? [Lekai akumbule, apa bino mutange Danyela 2:44.] Ino magazini yalondolola Bufumu bwa Lesa byo bubena kuba ano moba ne byo bukaleta mutende katatakatu mwaya ntanda yonse.”

Kyamba kya Usopa Aug. 1

“Lelo jino bukulumpe bwa bantu bebupimina mu bulume bwabo, munema wa bukata bwabo, ne maana a kwimwesha abo bene amba banema kukila bakwabo. Nga anweba mwakonsha kupima byepi bukulumpe bwa muntu? [Lekai akumbule, apa bino mutange Mateo 20:26] Ino magazini yamwesha byo kilumbulula kwikala na mweno ya kwa Yesu ya byoamona bukulumpe.”

Kyamba kya Usopa Aug. 1

“Byo mutanga buku wa mu Baibolo wa Kubala pa mambo a bena Isalela byo banyinyichilenga, kuba byubilo byatama, ne kupopwela bankishi, abya mwakiipuzhapo kala kana mujipo mafunde akonsha kwitukwasha lelo jino nyi? [Lekai akumbule, apa bino mutange Kubala 14:24] Bintu byaubiwenga byashimikizhiwa mu Kubala bimwesha byo kyapela ku boba basula bumupashi kupelawizha kuponena mu kuba byatama. Uno buku wa mu Baibolo wakonsha ne kwitutundaika kumwesha lukokelo ne mushingi ku bantu bamwimenako Lesa.”