Byakwamba Pakutambika Magazini

Kyamba kya Usopa Aug. 1

“Nanchi mwakilangulukapo kala Lesa byo akosesha bantu kuleka byubilo byabo byatama ne kwikala bantu bawama nyi? [Lekai akumbule] Akyumvwai buno bukine bwanema buji mu Baibolo bwaambile nyimbi wa masalamo [Tangai Masalamo 130:3] Ee, kyalusekelo bingi kwingijila Lesa ubula kulondalonda bilubo byetu. Mu ino magazini mwakonsha kutangamo muntu umo watendekele kwingijila Lesa na mambotu a kumvwa bino byambo kabiji wapimpwile ne byubilo byanji.”

Kyamba kya Usopa Aug. 1

“Pakuba bantu byobafwainwa kupembelela kintu mu bwikalo bwabo, nga mambo ka okitukatezha kupembelela? [Lekai akumbule] Baibolo yatongolapo kishinka kimo kyanembelwe myaka yavula yapitapo kitulengela kukankalwa kupembelela. [Tangai Masalamo 90:10] Ee, umvwe bumi kechi bwaipipile bibye ne, inge kechi kitushupa kupembelela ne. Ino magazini yaamba pa byo twakonsha kufunda kupembelela.”

Kyamba kya Usopa Aug. 1

“Kwesakana na byaambiwepo mu sawakya umo, nanchi mwayukile’mba bantu bavula panopantanda bajilatu mu tumali tucheche pa juba pa juba nyi? Abya mwalangulukapo amba luno lukatazho lukapwa nyi? [Lekai akumbule.] Ino magazini ya Kyamba kya Usopa yaamba pa buyanji byo bukapwa kwesakana na byo kyanembwa mu Baibolo.”—Tangai Masalamo 72:12, 13, 16.

Kyamba kya Usopa Aug. 1

“Umvwe bemushikisha’mba mulondolole ene mambo Mulenga o atelelwa ne kuba’mba Lesa wa bukine, mwakonsha kukumbula’mba ka? [Lekai akumbule, apa bino mutange Masalamo 31:5] Byo aji ‘Lesa wa bukine,’ twayuka kuba’mba milaye yanji ya kine, mambo kechi ubepa ne. Kabiji ino magazini yaamba ne pe atweba bantu byotwakonsha kumulonda uno Lesa wa bukine.”