Mukengila Byepi mu Moba a Kukokoloka?

Byo kiji kuba’mba bantu bavula batanwa pa mazubo mu moba a kukokoloka, ke kimye kyawama kusapwila. Bipwilo byatundaikwa kunengezha kuya na kusapwila mu ano moba o bakokoloka bantu. Mambo bantu bavula baji mu nyaunda bakakokolokangatu, kyawama kunengezha kuba’mba mukasambakane ne kuya mu mwingilo. Mwafwainwa kubijika pa kimye kya Kupwila kwa Mwingilo, kubula kipwilo umvwe kuji lunengezho lwa kusambakana kuya mu mwingilo kabiji ne kutundaika bonse bakonsha kwingilako mu mwingilo. Atweba bonse tukeba kukokoloka mu moba a kukokoloka nangwa kubakotu bintu bikwabo. Kyawama kushako kimye kya kuya mu mwingilo. Umvwe mwauba bino, mukamwenamo mu kwingila mwingilo wazhila.—Mat. 11:29, 30.