Mashinda a Kwisambilamo

Kutatula Mafunjisho a Baibolo pa Kibelushi Kitanshi mu September

“Bantu bavula baitabila kuba’mba bamalaika ko baji. Abya ne anweba byo byo mwaitabila nyi? [Lekai akumbule.] Na mambo a kuba bamalaika bilengwa bya mupashi, baji bingi na bulume. Bino nanchi mulanguluka’mba bakonsha kwitukwasha nyi? Baibolo witubula byo bakwasha bantu lelo jino.” Mumweshai jipa japelako ja Kyamba kya Usopa kya September 1, ne kwisamba nanji byambo biji pa bwipuzho butanshi ne kinembelo kimo pa binembelo bijipo. Mushilai magazini ne kumvwañana juba jo mukabwelako na kwisamba bwipuzho bwalondelapo.

Kyamba kya Usopa September 1

“Nanchi mulanguluka’mba bantu babena konauna ntanda kya kuba kechi yakonsha kuwama jibiji nenyi? [Lekai akumbule.] Nangwa kya kuba bantu kechi bakonsha kuwamisha ntanda yo baonauna ne, Baibolo witubula’mba Lesa wakonsha kwiiwamisha kabiji ukebesha bingi kuba byobyo. Tutana uno mulaye pa Salamo 65:9. [Tangai.] Kino Kyamba kya Usopa kyalumbulula Lesa byo akawamisha ntanda ne byo twafwainwa kuba pa kuba’mba tukeyowe ano mapesho. Nemushile mutangengamo nyi?”

Labainga! July–August

Inge kyakonsheka, pa kusha Labainga! ku mpelo ya mulungu, mwakonsha kwamba’mba: “Mwane twimupa ne uno magazini wa Labainga!, ubena kukumbula bwipuzho bwa kuba’mba, Mulunda Wawama Wafwainwa Kwikala Byepi?”