Kulumbulula byo Twaitabilamo pa Mwaka wa 1914

Baibolo witutundaika ‘kwinengezha kimye kyonse mwa kwibakumbwila’ bepuzha pa byo twaitabilamo, “na kukoka muchima ne na mushingi mukatampe.” (1 Pe. 3:15) Kimye kimo kyakonsha kwitukatazha kulumbulula bukine bwa mu Baibolo bwazhika nabiji byo twayuka kuba’mba Bufumu bwatendekele kulama mu 1914. Onkao mambo, banengezha bibaaba bibiji bya kuba’mba “Kwisamba na Bantu—Ñanyi Kimye Bufumu bwa Lesa kyo Bwatendekele Kulama?” byakonsha kwitukwasha. Bino bibaaba biji mu Kyamba kya Usopa kyo tubena kushajika mu mwingilo mu ñondo wa October ne November. Byo mubena kupituluka mu bino bibaaba, langulukainga pa mepuzho aipuzha musapwishi aye Kefasa, uji mu uno mwisambo.

Waubile byepi pa . . .

• kumusanchila pa kuba’mba amone jishinda ja kutatwilamo mwisambo?—Byu. 17:22.

• kumwesha kwikepesha pa kulumbulula byo aitabilamo?—Byu. 14:15.

Mambo ka o kyawamijile . . .

• kupitulukamo mu bishinka saka akyangye kuya pa kikwabo?

• kutulumanako ne kwipuzha mwina nzubo inge waumvwa bishinka byo alumbulula?

• kubula kwamba pa bintu byavula mu mwisambo? —Yoa. 16:12.

Tusanta bingi kwi Yehoba “Mufunjishi” wetu wakila pa kwitufunjisha bya kulumbulula bukine bwazhika buji mu Baibolo ku bantu bakeba kwibuyuka!—Isa. 30:20.