Mupai: Diabola byo aambile ne Yesu ne kumweseka, kyamwesha kuba’mba Diabola kechi kiyukilotu kya bubi ne. Ñanyi bintu bikwabo byaambapo Baibolo pe Diabola? Uno mutwe walumbulula byavula pa kino.
KAPEPALA KA KWICHILAPO BANTU KU KIVULUKO
Mupai: Tubena kupana kano kapepala ka kwichilapo bantu kwiya ku kupwila kwanema bingi. [Pai mwina nzubo kapepala.] Pa 23 March, bantu bavula mwaya ntanda yonse bakapwila pamo na kuvuluka lufu lwa kwa Yesu Kilishitu ne kuteleka ku jashi ja Baibolo jalumbulula byo twafwainwa kumwenamo mu lufu lwanji. Kechi kukekala kupana mali ne. Pa kano kapepala, bamwesha kimye ne mpunzha kukekela kuno kupwila mu kimasamasa kyetu. Mwane mukeye mukatanweko.
