Mashinda a Kwisambilamo

Mu Mukwekele wa Kwita Bantu ku Kivuluko

“Tubena kupana tuno tupepala twa kwichilapo bantu ku juba janema bingi. Pa 3 April, bantu bavula kuzhokoloka ntanda yonse bakakonkana na kuvuluka lufu lwa kwa Yesu Kilishitu ne kuteleka ku jashi ja mvula bantu kyatutu jikamba pa byo tumwenamo mu lufu lwanji. Kano kapepala kabena kumwesha kimye ne mpunzha kukekela kuno kupwila muno mu mpunzha yetu.”

Kyamba kya Usopa March 1

“Pa 3 April jo jikekala juba ja kuvuluka lufu lwa kwa Yesu Kilishitu. Bantu bamo mu nyaunda yetu bakapwila pamo na kuvuluka luno lufu, bino kuji bamo balanguluka’mba lufu lwa kwa Yesu kechi lwanema ne. Nga anweba mulangulukapo amba ka? Nanchi mulanguluka amba mu lufu lwa kwa Yesu ne lusanguko lwanji twakonsha kumwenamo nyi? [Balekai bakumbule.] Akimonai byaamba Mambo a Lesa. [Tangai 1 Kolinda 15:22, 26.] Uno magazini waamba pa mapesho a kulutwe akafuma mu kitapisho kya bukuzhi bwa kwa Yesu, nabiji a kuba’mba juba jimo bantu bakaleka kufwa.”

Labainga! March

“Tubena kufwakeshako bakwetu pa kakimye kacheche kwibamwesha Labainga! wa katataka [Bamweshai nkupiko.] Bantu bonse balanguluka byapusana pusana pa buno bwipuzho bwa kuba’mba: ‘Nanchi Lesa ko aji Nyi?’ Kwesakana na byo mulanguluka, bañanyi baji na luketekelo lwa kwikala bulongo kulutwe, aba baitabila mwi Lesa nangwa boba babula kumwitabila? [Balekai bakumbule.] Uno ye mulaye walaya Lesa ulengela bantu kwikala na luketekelo. [Tangai Salamo 37:10, 11.] Uno magazini waamba pa bintu bina bya kwimukwasha kuyuka inge Lesa ko aji.”