Bya Kukumbula Bulongo pa Kupwila

Mikumbu yawama ikosesha bingi bakwetu. (Lo 14:19) Kabiji ikosesha ne bene babena kukumbula. (Man 15:23, 28) Onkao mambo, pa kupwila konse, twafwainwa kumona’mba twakumbulapo nangwatu jimo. Kimye kimo, kechi bakonsha kwitutongola inge twasuntula kuboko ne. Onkao mambo, twafwainwa kwinengezha kukumbulapo javula.

Mukumbu wawama ke . . .

• mwipi kabiji waumvwanyika. Mwafwainwa kukumbulapo mu masekondi 30 nangwa kubwela panshi

• wakwambatu mu byambo byenu

• kubula kubwezhapo byaamba kala bakwenu

Inge yenu batanshi bo batongola, . . .

• ambaitu kishinka mu byambo bicheche

Inge bakumbula kala bwipuzho, mwakonsha . . .

• kulumbulula kinembelo byo kyakwatankana na kishinka kyo mubena kwisambapo

• kwamba pa byo kitukunza

• kulumbulula byo twakonsha kwingijisha byo tubena kufundapo

• kushimikizhako pacheche kyamwekele kyalumbulula bulongo kyokyo kishinka