Bitufunjisha Lesa Bitulengela Kubula Misalululo

Yehoba kechi uji na misalululo ne. (By 10:34, 35) Watemwa bantu ‘bafuma mu bisaka byonse, mu mikoka yonse, mu mitundu yonse ya bantu ne mu njimi yonse.’ (Lum 7:9) Onkao mambo, kechi baswisha misalululo mu kipwilo kya bena Kilishitu ne. (Ya 2:1-4) Tusanta bingi pa bitufunjisha Lesa mambo tuji mu jibumba ja bantu ba Lesa bakwatankana kabiji twimwena byo bapimpula byubilo byabo. (Is 11:6-9) Byo twibikako kufumya byubilo bya misalululo mu michima yetu, tumweshatu patoka’mba tubena kulondela Lesa.—Ef 5:1, 2.

TAMBISHAI VIDYO WA KUBA’MBA JOHNY NE GIDEON: BAJINGA BALWANYI, LUNO KE BALONGO. APA BINO MUKUMBULE MEPUZHO ALONDELAPO:

• Mambo ka kwitufunjisha kwi Lesa o kwakijila kwibikako kwa bantu kwa kupwisha misalululo?

• Ñanyi bintu bimusangajika pa bulongo bwetu bwa ntanda yonse?

• Yehoba utumbijikwa byepi inge twatwajijila kukwatankana?