Kimwesho Kikosesha Lwitabilo

9:1-7

Yesu watemenwe bingi byo aumvwine Shanji wa mwiulu kubijika pa kimwesho kya kwaluka kwanji amba mwi aye mo mo amwena lusekelo. Byambo byaambile Shanji byakwashishe bingi Yesu kuchinchika makatazho o apichilemo. Kabiji kino kimwesho kyatundaikile bingi Petelo, Yakoba ne Yoano. Bashiinwe’mba Yesu kine ye Mesiasa kabiji baubile bulongo kuteleka ku byo aambilenga. Byo papichile myaka 32, Petelo wakivulukilenga kintu kyo amwene kabiji lwitabilo lwanji lwakosele na mambo a “byambo bya bungauzhi.”—2Pe 1:16-19.

Nangwa kya kuba atweba kechi twamweneko kino kimwesho ne, pano bino tubena kwimwena byo kibena kufika. Yesu ubena kulama byo aji Mfumu wa bulume. Katatakatu “apwishe kushinda” ne kuleta ntanda ipya ya bololoke.—Lum 6:2.

Nga lwitabilo lwenu lwakoselako byepi byo mubena kumona kufika kwa bungauzhi bwa mu Baibolo?