Vulukai Muka Lota

Mambo ka muka Lota kyo atajijile kunyuma kimye kyo banyemenenga kufuma mu Sodoma? Baibolo kechi waamba kyalengejile ne. (Nt 19:17, 26) Lujimuno lwapaine Yesu lumwesha kuba’mba kyamweka muka Lota wavulukilenga bintu byo ashile. (Luk 17:31, 32) Twakonsha kuchinuzhuka byepi bintu byakonsha konauna bulunda bwetu ne Lesa byonka byaubile muka Lota? Kechi twafwainwa kukizhamo kutemwa bintu bya ku mubiji ne. (Mat 6:33) Yesu waambile’mba, kechi twakonsha “kwingijila Lesa ne Nsabo pa kimye kimo ne.” (Mat 6:24) Pano twakonsha kuba byepi inge twamona’mba bintu bya mu bwikalo bibena kwitulengela kubula kwingijila Lesa bulongo? Twafwainwa kulomba kwi Yehoba kuba’mba etupe milangwe ne bulume bwa kwitukwasha kuyuka mwa kubila na bintu byo tukeba mu bwikalo bwetu.

VULUKAI BYAJINGA MU VIDYO WA MBAJI ISATU WA KUBA’MBA, VULUKAI MUKA LOTA, KABIJI MUKUMBULE ANO MEPUZHO:

• 

  Kukebesha kwikala na mali avula kwalengejile ñambilo ne ndangulukilo ya ba Gloria kwikala byepi?

• Tubena kufunjilako ka kwi muka Lota mu ano moba?

• Kwingijisha mafunde a mu Baibolo kwakwashishe byepi ba Joe ne kisemi kyabo?

• Bantu baingilanga ne Anna nkito bamulengejile bulunda bwanji ne Lesa kwikala byepi?

• Mambo ka kubula moyo o kwanemena inge babena kwitukanjikizha kukeba mali avula?

• Ba Brian ne ba Gloria baubile byepi pa kuba’mba batangizheko jikwabo kwingijila Lesa?

• Ñanyi mafunde a mu Baibolo aji mu uno vidyo?