Yehoba Usakwikimona Byepi?

Saka tukyangye kufuukula bya kuba, bikatampe nangwa bicheche, twafwainwa kwiipuzhanga’mba, ‘Yehoba usakwikimona byepi?’ Nangwa kya kuba kechi twakonsha kuyuka byonse bilanguluka Yehoba ne, bino witubuula byavula bingi mu Mambo anji etukwasha kwingila “mingilo yonse yawama.” (2Ti 3:16, 17; Lo 11:33, 34) Yesu wayukile kyaswa muchima wa Yehoba kabiji kyo kintu kyo anemekele bingi mu bwikalo bwanji. (Yoa 4:34) Byonka byaubile Yesu, twayai tufuukulenga bintu bitookesha Yehoba ku muchima.—Yoa 8:28, 29; Ef 5:15-17.

TAMBISHAI VIDYO WA KUBA’MBA YUKAINGA KYASWA MUCHIMA WA YEHOBA (LE 19:18), APA BINO MUKUMBULE ANO MEPUZHO:

• Mambo ka o twafwainwa kwingijishanga mafunde a mu Baibolo mu bwikalo bwetu?

• Ñanyi mafunde a mu Baibolo akonsha kwitukwasha kusala nyimbo ya kutelekako?

• Ñanyi mafunde a mu Baibolo akonsha kwitukwasha pa mvwajilo yetu ne mwekelo?

• Mu ñanyi bintu bikwabo mo twakonsha kwingijisha mafunde a mu Baibolo?

• Ñanyi bintu byakonsha kwitukwasha kuyuka kyaswa muchima wa Yehoba?