Mingilo Yawama Lesa yo Akabula Kulubamo

Bantu ba Yehoba bakonsha kwingila mingilo yo akabula kulubamo. Byonkatu biji nsemi uji na butemwe ubula kulubamo bintu byawama byaubile baana banji, Yehoba naye kechi ukavulama mingilo yo tumwingijila ne butemwe bo tumwesha jizhina janji ne. (Mat 6:20; Heb 6:10) Atweba bonse bwikalo bwetu bwapusana. Nangwa byonkabyo, inge ke twingijile Yehoba papelela bulume bwetu, utemwa bingi. (Nga 6:4; Kol 3:23) Pa myaka yavula, balongo ne banyenga bavula bepana kwingijila pa Betele. Nanchi mwakonsha kwipana kwingijila pa Betele nyi? Inge kechi mwakonsha kuba bino ne, nanchi mwakonsha kutundaika mulongo nangwa nyenga kuya na kwingijila pa Betele nangwa kukwasha mulongo nangwa nyenga wingijila pa Betele kutwajijila nyi?

TAMBISHAI VIDYO WA KUBA’MBA KWIPANA KWINGIJILA PA BETELE, APA BINO MUKUMBULE ANO MEPUZHO:

• Ñanyi kintu kyafwainwa kulengela muntu kukeba kuya na kwingijila pa Betele?

• Bamo bengijila pa Batele baambapo amba ka pa bintu byo bamwenamo?

• Ñanyi bintu bikebewa pa kuba’mba muntu aye na kwingijila pa Betele?

• Mwakonsha kuba byepi pa kuba’mba muye na kwingijila pa Betele?