Yehoba Uzhikijila Bantu Banji

Kijiilo kya Lupitailo kitanshi kyanemene bingi. Pa joja juba, Felo byo ayukile’mba mwananji mubeji wafwa, waambijile Mosesa amba: “Imanai muyenga, fumai mu bantu bami, anweba ne bakwenu bena Isalela. Yainga mukengijile Yehoba byonka byo mwaambile.” (Lup 12:31) Bintu byaubile Yehoba bimwesha kuba’mba upokolola bantu banji.

Mingilo ibena kwingila bantu ba Yehoba mu ano moba, yamweshatu patoka kuba’mba Yehoba watwajijila kutangijila ne kuzhikijila bantu banji. Akino kyo tubena kwambapo kyo kyo bamwesha mu kishimikwa mo balamina bintu bya kala ku ofweshi mukatampe wa ntanda yonse ku lubaji luji na mutwe wa kuba’mba “Bantu Batelwa pa Jizhina ja Yehoba.”

TAMBAI VIDYO WA KUBA’MBA KUFWAKASHA MU KISHIMIKWA MO BALAMINA BYA KALA KU WARWICK: “BANTU BATELWA PA JIZHINA JA YEHOBA.” APA BINO MUKUMBULE ANO MEPUZHO:

• 

  Ñanyi jishinda Bafunda Baibolo jo baingijishe mu 1914 pa kukwasha bantu kuketekela byaamba Baibolo, kabiji jaingijile byepi?

• 

  Ñanyi meseko aesekele lwitabilo lwabo mu 1916 ne mu 1918? Kabiji ñanyi bishinka bimwesha’mba Yehoba watangijilenga jibumba janji?

• 

  Bantu ba Yehoba batwajijila byepi kwikala bakishinka nangwa kya kuba bantu bebashikwa?

• 

  Ñanyi kumvwisha kwa bukine kwakatataka bantu ba Yehoba ko batambwijile mu mwaka wa 1935, kabiji baubilepo byepi pa luno lupimpu?

• Inge mwafwakeshapo kala mu kino kishimikwa mo balamina bya kala, ñanyi bintu byo mwamwene byakoseshe lwitabilo lwenu kuba’mba Yehoba kine ubena kutangijila ne kuzhikijila bantu banji?