Anweba Bakyanyike—Nanchi Yehoba Mulunda Nenu Nyi?

Ñanyi byubilo byafwainwa kwikala na mulunda nenu? Mwafwainwa mwanemeka bingi bukishinka, lusa ne bumpanyi. Yehoba uji na bino byubilo byonse. (Lup 34:6; By 14:17) Yehoba uteleka inge mubena kulomba kwi aye. Kabiji wimukwasha kimye kyonse. (Sl 18:19, 35) Wimulekelako mambo. (1Yo 1:9) Yehoba kinetu mulunda netu wawama bingi!

Pano mwakonsha kwikala byepi mulunda ne Yehoba? Muyukai bulongo kupichila mu kutanga Mambo anji. Mubulainga biji ku muchima. (Sl 62:8; 142:2) Mweshainga’mba mwanemeka bintu byanemeka Yehoba. Pa byo anemeka paji mwananji, Bufumu bwanji ne milaye yaamba pa bintu byo akoba kulutwe. Buulaingako bantu pe aye. (Mpi 32:3) Inge mwaikala na bulunda bwa pa muchima ne Yehoba, ukekala mulunda nenu myaka ne myaka.—Sl 73:25, 26, 28.

TAMBAI VIDYO WA KUBA’MBA ANWEBA BAKYANYIKE “MUTOMPAI YEHOBA MUMONE BYO AWAMA,” APA BINO MUKUMBULE ANO MEPUZHO:

• 

  Mwakonsha kuba byepi pa kuba’mba mukepane kwi Lesa ne kubatizhiwa?

• 

  Ba mu kipwilo bakonsha kwimukwasha byepi kwingijila Yehoba?

• 

  Mwingilo wa kusapwila ukosesha byepi bulunda bwenu ne Yehoba?

• 

  Ñanyi mingilo ya Lesa yo mwakonsha kwingilako?

• Ñanyi kintu kyo mwatemwa bingi pe Yehoba?