Kwingijisha Bishimpi pa Kulumbulula Bishinka Bikatampe

Pa kubwela ku bantu bo twasapwijile nangwa pa kufunjisha bantu Baibolo, twafwainwa kwibakwasha kumvwisha bishinka bikatampe. Inge ke twingijishe bishimpi pa kulumbulula bishinka bikatampe, tukafikanga bantu pa muchima ne kwibakwasha kuvuluka byo babena kufunda.

Inge mubena kunengezha kuya na kumona muntu ye mwasapwijile nangwa mubena kunengezha kufunjisha muntu Baibolo, salai bishinka bikatampe ne kwingijisha bishimpi pa kwibilumbulula. Kabiji ingijishai bishimpi byapeela byaamba pa bintu byayuka bantu. (Mat 5:14-16; Mak 2:21; Luk 14:7-11) Langulukai pa nkomeno ne bibena kuba muntu ye mubena kusapwila. (Luk 5:2-11; Yoa 4:7-15) Inge wamwesha lusekelo na mambo a kumvwisha kishinka, ne anweba mukekala bingi na lusekelo.

TAMBAI VIDYO WA KUBA’MBA IKALAI NA LUSEKELO MU MWINGILO WA KUFUNJISHA BANTU KWIKALA BAANA BA BWANGA—KUWAMISHAKO BUSENDWE BWENU—KWINGIJISHA BISHIMPI PA KULUMBULULA BISHINKA BIKATAMPE, APA BINO MUKUMBULE ANO MEPUZHO:

• 

  Mambo ka o kyanemena kukwasha bo tufunjisha Baibolo kumvwisha byepelo bya mu Baibolo?

• 

  Neeta waji kwingijisha byepi kishimpi pa kulumbulula bukine buji pa Loma 5:12?

• 

  Bishimpi byawama byakonsha kukwasha byepi bantu bo tufunjisha Baibolo?

• Inge tuji mu mwingilo, mambo ka o twafwainwa kwingijishanga mavidyo ne mabuku anengezha jibumba ja Yehoba?