Tambwilainga Bukwasho bwa Yehoba Kupichila mu Kulomba

Yehoba ye ulengela lukunwa wa bukine kwikizha mizhazhi mu muchima wa muntu ne kukoma. (1Ko 3:6-9) Onkao mambo, pa kuba’mba twingilenga bulongo mwingilo wa kusapwila, twafwainwa kuketekela mwi Yehoba kwitukwasha atweba bene ne bo tufunjisha Baibolo.

Lombainga Yehoba kuba’mba akwashe bo mufunjisha Baibolo kuchinuzhukanga kuba byatama ne kushiinda makatazho. (Fp 1:9, 10) Shinkamikainga pa kulomba. Lombai kwi Yehoba kwimupa mupashi wanji wazhila pa kuba’mba atangijilenga milanguluko yenu ne byo muba. (Luk 11:13) Funjishainga bo mufunjisha Baibolo bya kulomba ne kwibatundaika kulombanga. Lombelainga pamo na bo mufunjisha Baibolo ne kwibalombelako saka mubena kwibatela pa mazhina abo.

TAMBAI VIDYO WA KUBA’MBA IKALAI NA LUSEKELO MU MWINGILO WA KUFUNJISHA BANTU KWIKALA BAANA BA BWANGA—TAMBWILAINGA BUKWASHO BWA YEHOBA—LULOMBELO, APA BINO MUKUMBULE ANO MEPUZHO:

• Ñanyi lukatazho lwajinga ne Neeta pa kufunjisha Jade Baibolo?

• Kinembelo kya 1 Kolinda 3:6 kyakwashishe byepi Neeta?

• Neeta waubile byepi pa kuba’mba apwishe lukatazho?