TAIKO MUCHIMA KU MWINGILO WA KUSAPWILA | IKALAI NA LUSEKELO MU MWINGILO
Kwashainga bo Mufunjisha Baibolo Kuchinuzhuka Byubilo Byatama
Bantu baji na byubilo byawama bo bonkatu bakonsha kwikala balunda ne Yehoba. (1Pe 1:14-16) Babena kufunda Baibolo inge baleka byubilo byatama, bakonsha kwikala na lusekelo mu kisemi, kwikala na butuntulu bwa mubiji bwawama ne kuyuka bya kwingijisha bulongo mali.
Balumbulwilainga bulongo mizhilo ya Yehoba ne byawama byo bakonsha kumwenamo inge ke beilondele. Tai muchima pa kukwasha bo mufunjisha Babolo kupimpula ndangulukilo yabo. Kuba bino kukebakwasha kutendeka kulondela mizhilo ya Yehoba. (Ef 4:22-24) Bakwashai kushiinwa kuba’mba Yehoba ukebakwasha kuleka byubilo byatama bibakatazha kuleka. (Fp 4:13) Bafunjishai kulombanga kufuma panshi ya muchima kuba’mba Yehoba ebakwashenga umvwe ke bakebe kuba byatama jikwabo. Bakwashainga kuyuka bintu byakonsha kwibabiika mu lweseko ne kwibichinuzhukanga. Batundaikai kusankilapo byubilo byatama ne kutendeka kuba bintu byawama byo bakonsha kumwenamo. Kumona bo tufunjisha Baibolo byo bebakwasha kwi Yehoba kuleka byubilo byatama kwituletela bingi lusekelo.
TAMBAI VIDYO WA KUBA’MBA KWASHAINGA BO MUFUNJISHA BAIBOLO KUCHINUZHUKA BYUBILO BYATAMA, APA BINO MUKUMBULE ANO MEPUZHO:
Bakulumpe mu kipwilo ne Neeta bamwesheshe byepi amba bamuketekela Jade?
Neeta watwajijile byepi kukwasha Jade?
Jade wakebele byepi bukwasho bwa Yehoba?