Kumwesha Kifyele

Kifyele kilumbulula kuyuka bibena kulanguluka muntu, byo abena kumvwa, byo anemeka ne byo abena kukeba. Bantu bayuka inge tubena kwibamwesha kifyele kufuma panshi ya muchima. Kabiji kifyele kyafwainwa kwitulengela kukebesha kwibakwasha. Inge ke tumweshe kifyele mu mwingilo, tumwesha’mba twatemwa bantu ne kwibata muchima byonka byuba Yehoba. Akino kikebalengela kukeba kufunda pe aye.—Fp 2:4.

Kechi tumwesha kifyele pa kubatu’mba tukonshe kufunjisha bulongo bantu ne. Pa kuba tumwesha kifyele kupichila mu byubilo byetu, byo twingijisha maboko, mwekelo ya kilungi ne kutelekesha. Kuba bino ko kumwesha’mba twata muchima muntu kufuma panshi ya muchima. Kabiji twafwainwa ne kuyuka bintu byatemwa yewo muntu, byo aitabilamo ne byo apitamo mu bwikalo. Twafwainwa kutwajijila na kumufunjisha ne kumukwasha. Pano bino kechi twafwainwa kumukanjikizhanga kupimpula byubilo byanji ne. Kituletela bingi lusekelo inge bantu bo tufunjisha befuukwilapo abo bene kupimpula byubilo byabo.

TAMBAI VIDYO WA KUBA’MBA IKALAI NA LUSEKELO MU MWINGILO WA KUFUNJISHA BANTU KWIKALA BAANA BA BWANGA—KUWAMISHAKO BUSENDWE BWENU—KUMWESHA KIFYELE, APA BINO MUKUMBULE ANO MEPUZHO:

• 

  Neeta waji kumwesha byepi kifyele Jade byo aji kukelwa?

• 

  Neeta waji kumwesha byepi kifyele Jade byo aji kwamba’mba bya kuba byamuvujila?

• 

  Neeta waji kumwesha byepi kifyele Jade byo aji kwamba’mba mu kibamba kyanji kechi mwa butooto ne?