Twajijilai Kufunjisha Milangwe Yenu

Muntu unyema lubilo lwa kapela wafwainwa kutwajijila kufunjisha mubiji wanji pa kuba’mba ekale shenyenye. Ne atweba twafwainwa kutwajijila kufunjisha milangwe yetu. (Heb 5:14) Nangwa kya kuba javula twatemwa kulondela byafuukula bakwetu pa kuba bintu, bino twafwainwa kulangulukanga pa bintu ne kwifuukwila atweba bene. Mambo ka o kyanemena kuba bino? Mambo atweba bonse tuketotolwela pa bintu byo tufuukulapo.—Lo 14:12.

Kechi twafwainwa kulangulukanga’mba nakonsha kufuukulatu bulongo mambo nabanda mu bukine ne. Pa kuba’mba tufuukulenga bintu bulongo, twafwainwa kuketekela mwi Yehoba na muchima yense, mu Mambo anji ne jibumba janji.—Yos 1:7, 8; Man 3:5, 6; Mat 24:45.

TAMBAI VIDYO WA KUBA’MBA “IKALAI NA JIWI JA MU MUCHIMA JAWAMA,” APA BINO MUKUMBULE ANO MEPUZHO:

• 

  Ba Emma baji kukebanga kufuukula pa ka?

• 

  Mambo ka o twafwainwa kuchinuzhukila kubuula bakwetu bya kuba pa bintu byafwainwa kwifuukwilapo muntu mwine na jwi janji ja mu muchima?

• 

  Ba mulume ne mukazhi bakwashishe byepi ba Emma?

• 

  Ba Emma bataaine kwepi bukwasho pa bintu byo bafuukwilengapo?