Bya Kwingijisha Kipungu kya bya Kwisamba na Bantu

Balongo bengila na ngovu kunengezha bya kwisamba na bantu, kabiji basapwishi bavula bataana kuba’mba ano mashinda engila bingi bulongo mu nyaunda yabo. Nangwa byonkabyo, bwikalo mwaya ntanda bwapusana pusana. Onkao mambo, basapwishi bakasuluka kwingijisha mashinda abo a kwisambilamo na bantu mu mwingilo nangwa kwisamba pa mutwe mukwabo wakonsha kutemwa bantu baji mu nyaunda yabo. Pano bino, inge kuji mukwekele wiikajila, bonse bafwainwa kulondela mikambizho yapanyiwa. Kikonkwanyi kyetu ke kufikizha mukambizho wa kwa Yesu wa kusapwila mambo awama a Bufumu.—Mat 24:14.

Umvwe bemupa jashi mu sukulu, mwafwainwa kwingijisha mutwe uji pa bya kwisamba na bantu uji mu Mutanchi wa Kupwila kwa Bwikalo ne Mwingilo. Nangwa byonkabyo, umvwe paji kayukilo ka kupimpulako, basapwishi bakasuluka kusala bwipuzho, kinembelo, pa kukatendekela pa kubwelako nangwa jishinda jakwambilamo kwesakana na nyaunda yabo. Kino kyapimpula byo betubuujile mu mutanchi wa kupwila kwa bwikalo ne mwingilo wa June 2020 pa jipa 8.