Taanai Maana a Kwimukwasha mu Bwikalo pa JW.ORG

Mambo a Lesa etubuula byonse bikebewa pa kuba’mba tuyuke bya kuba na meseko akatazha ajiko mu ano moba a kupelako. (2Ti 3:1, 16, 17) Nangwa byonkabyo, bimye bimo tukeba bukwasho pa kuba’mba tutaane mafunde a mu Baibolo aamba pa lukatazho lo tuji nalo. Nanchi mwi bansemi babena kukeba maana a kwimukwasha kuyuka bya kukomesha baana nyi? Nanchi mwi banyike babena kupita mu bintu byakatazha bibena kweseka lwitabilo lwenu nyi? Abya muji na binyenge na mambo a kufwisha benakwenu nyi? Mwakonsha kutaana byambo pa jw.org byakonsha kwimukwasha kutaana mafunde a mu Baibolo akonsha kwimukwasha kuyuka bya kuba na ano makatazho ne akwabotu avula.—Man 2:3-6.

Pa jipa pa kutendekela pa jw.org, chintai pa kipungu kya kuba’mba “BIFUNJISHA BAIBOLO.” (Monai kipikichala kitanshi.) Pa mitwe ijipo, salaipo mutwe ye mubena kukeba. Nangwa chintai pa MABUKU > BIBAABA ne kusalapo mutwe ye mubena kukeba. (Monai kipikichala kya bubiji.) Mwakonsha ne kutaana bino pa bipungu biji pa JW Library^®.a Bino bibaaba mwakonsha kwibitaana pa jw.org ne pa JW Library^®. Jishinda jikwabo ja kutaainamo bino bibaaba ke kunemba mutwe ye mubena kukeba mu kakitenguluzha ka kuba’mba kebai kaji pa jw.org.

Nembai mitwe yalondelapo mu kakitenguluzha ka kuba’mba kebai, ne kunemba mitwe yo mukeba kutanga.

• Kukomesha baana

• Banyike baji na binyenge

• Kufwisha mukwenu wa mu masongola