Keyala Wetu wa pa Intaneti—Bamunengezha Kwitukwasha ne Kukwasha Bantu Bakwabo

Yesu witukambizhe kusapwila mambo awama a Bufumu bwa Lesa “pano pa ntanda ponse kuba amba ba mu bisaka byonse bya bantu bakeomvwe.” (Mat. 24:14) Pa kuba’mba ‘tupwishe bulongo mwingilo wetu’ keyala wa www.watchtower.org, www.jw-media.org, ne www.jw.org ke Keyala umo wa jw.org.—2 Timo. 4:5.

“Pano pa Ntanda Ponse”: Bantu kukila pa kichika bantu bengijisha intaneti. Bavula po batana byambo byo babena kukeba kikatakata bakyanyike. Keyala wetu wa Intaneti ukwasha bantu kutana mikumbu ya kine ya mepuzho a pa bya mu Baibolo. Kabiji wibalengela ne kuyuka jibumba ja Yehoba ne kwibapezhezhako bya kukeba lufunjisho lwa Baibolo. Onkao mambo walengela mambo awama kufika mu mapunzha mo banyanchijila mambo a Bufumu.

“Mu Bisaka Byonse”: Pa kuba’mba tusapwile ku bantu ba mu “bisaka byonse,” bukine bwa mu Baibolo bwafwainwa kunembwa mu milaka yapusa pusana. Bengijishanga keyala wa jw.org bakatana byambo mu milaka yapusana pusana, kabiji kebapelelanga kuba bino kukila pa Makeyala akwabo.

Mwingijishainga: Keyala wa katataka wa jw.org kechi waikelakotu kusapwila bantu babula kwitabila ne. Bamunengezha ne kuba’mba Bakamonyi ba kwa Yehoba nabo bamwingijishenga. Umvwe mwingijisha Intaneti, tubena kwimutundaika kwingijisha keyala wa jw.org. Bino byo bya kumwingijisha.

[Kipikichala pa peja 3]

(Umvwe mukeba bine byambo, monai mu buku)

Esekai Kumwingijisha

1 Nembaimo www.jw.org mu kakitenguluzha mwa kunemba keyala wa pa Intaneti wa pa kompyuta wenu.

2 Pesapesai bijipo kupichila mu kuchinta pa tumitwe, pa mitanchi ne pa bya kusalapo.

3 Esekai kwingijisha keyala wa jw.org pa foni wenu umvwe uji na Intaneti. Byambo biji pa jipa bikepa pa kuba’mba mwibitange pa foni, bino byambo byo bimotu.