BYAFWAINWA KWIKALA BENA KILISHITU
Yehoba Witukwasha Kuchinchika mu bya Malwa
Mu ano moba akupelako, tubena kupita mu bya malwa byavula bingi. Kabiji pa bimye bimo kitukatazha bingi kuchinchika bino bya malwa. Nangwa byonkabyo, inge twatwajijila kufwenya kwipi ne Yehoba uketukwasha kuchinchika bya malwa nangwa bibayepotu byepi. (Is 43:2, 4) Twakonsha kufwenya byepi kwipi ne Yehoba inge tubena kupita mu bya malwa?
Lulombelo. Inge twabuula Yehoba byonse biji ku muchima wetu, witupa mutende ne bulume bwa kuchinchika.—Fp 4:6, 7; 1Te 5:17.
Kupwila. Mu ano moba, kufunda mambo a Lesa ne kupwanañana pamo na bantu ba Yehoba pa kupwila kwanema bingi. (Heb 10:24, 25) Mupashi wa Yehoba witukwasha inge ke tunengezhe bulongo, kutanwa ku kupwila ne kukumbulapo.—Lum 2:29.
Mwingilo wa Kusapwila. Kupayankana mu mwingilo wa kusapwila kwitulengela kuta muchima pa bintu byawama. Kabiji kwitulengela kukosesha bulunda ne Yehoba ne na bakwetu ba mu lwitabilo.—1Ko 3:5-10.
TAMBAI VIDYO WA KUBA’MBA YEHOBA UKEMULAMA, APA BINO MUKUMBULE ANO MEPUZHO:
Ñanyi kintu kyakwashishe ba Malu byo bapichilenga mu bya malwa?
Byonka byo kyajinga kwi ba Malu, byambo biji pa Salamo 34:18 byakonsha kwitutekenesha byepi mu bimye bya malwa?
Byapichilemo ba Malu bimwesha byepi amba Yehoba witupa bulume bwakila bwa bantu inge tubena kupita mu bya malwa?—2Ko 4:7