Kipikichala kiji jipa 3: Kokkinakis v. Greece: Droit réservé
Kufuma ku kipiko kuya ku kilujo kutendekela peulu: West Virginia State Board of Education v. Barnette; Kokkinakis v. Greece; Taganrog LRO ne Bakwabo v. Russia; Cha ne Bakwabo v. South Korea
BYAFWAINWA KWIKALA BENA KILISHITU
“Kulwila Mambo Awama ne Kutambula Luusa lwa Kwiasapwila”
Balwanyi byo bakebele kulekesha bena Isalela kushimukulula nzubo ya Lesa, bena Isalela bakebele mizhilo yakwibakwasha kutwajijila kushimika. (Eze 5:11-16) Kyo kimotu, bena Kilishitu nabo balwila mambo awama ne kutambula luusa kwa kwiasapwila. (Fp 1:7) O ene mambo o kwaikela Dipatimenti Itala pa bya Mambo yalengelwe mu 1936 pa ofweshi mukatampe wa ntanda yonse. Lelo jino Dipatimenti Itala pa bya Mambo iji pa Ofweshi Mukatampe izhikijila mwingilo wa Bufumu mwaya ntanda yonse. Ino dipatimenti ibena kuzhikijila byepi mwingilo wa Bufumu ne kukwasha bantu ba Lesa?
TAMBAI VIDYO WA KUBA’MBA BINGILA DIPATIMENTI ITALA PA BYA MAMBO IJI PA OFWESHI MUKATAMPE WA NTANDA YONSE, APA BINO MUKUMBULE ANO MEPUZHO:
Ñanyi makatazho amo apichilemo Bakamonyi ba kwa Yehoba?
Ñanyi mambo amo o twabinga? Tongolaipo amo
Atweba bonse twakonsha kukwasha byepi mu mwingilo “kulwila Mambo Awama ne kutambula luusa lwa kwiasapwila”?
Pepi po twakonsha kutaana mitotololo ibena kupitamo bantu ba Lesa pa keyala wetu wa pa intaneti ne mutanchi wa mazhina a Bakamonyi ba kwa Yehoba bo bakasa mu tuleya na mambo a lwitabila lwabo?