Tubipepala twa Lwito

Nanchi Mwingijisha Tubipepala twa Lwito Nyi?

Juba jimo kalombwana wa myaka 11 wataine kapepala ka lwito kaambilenga pa jashi ja mvula bantu ja kuba’mba helo. Waambile’mba: “Uno mutwe wanzakwile bingi muchima mambo naubanga byatama, ne kino kyandengejile kwakamwa’mba inge nafwa nkaya na kupya mu helo.” Washinkilweko ku jino jashi, kabiji byo papichile mwaka umo na kufunda Baibolo wabatizwe. Bino byo byatendekele bwikalo bwa bwina Kilishitu bwa ba Karl Klein, baingijile pa myaka yavula mu Jibumba Jitangijila ja Bakamonyi ba kwa Yehoba. Kapepala ka lwito ko kalengejile.

Tupepala twa lwito ne lelo jino tubena kwingila bingi bulongo mu busapwishi. Basapwishi bavula batana kuba’mba kushila bantu tupepala twa lwito ke jishinda japela kusolomokelamo bantu ne kutatula misambo. Bansemi bakonsha kwingijilanga pamo na baana babo kupichila mu kwibaswisha kupa bantu tupepala twa lwito. Basapwishi basapwila mu makalata bakonsha kuvungila kapepala ka lwito pamo na nkalata. Kabiji tuno tupepala twawama bingi kwichilapo bo tufunjisha Baibolo ne bakeba kufunda bukine ku kupwila kwetu.

Nanchi mubena kwingijisha tupepala twa lwito mu mwingilo wenu nyi?