Mwane Bwelaiko Bukiji Bukiji

Kubwelako bukiji bukiji ku bañanyi? Ke ku boba bakeba mabuku, aba bakeba kutambwilanga magazini nangwa boba bakeba Kamonyi kwibafwakesha pa nzubo yabo. Nanchi bañanyi bepuzha? Bano ke bantu banembela ku ofweshi ya musampi, kutumako lamya nangwa kupichila mu kwingijisha official Internet Web site yetu. Umvwe bantu bamwesha lusekelo mu jino jishinda, ofweshi ya musampi ibuula kipwilo kyaikela mu nyaunda yikelamo yewo muntu kupichila mu kwikitumina kapepala ka S-70, kaji na mutwe wa kuba’mba “Twapaapaata Tantikeni Kasabankanya Wafikapo Ukutandalila Uyu Muntu.” Inge bakulumpe mu kipwilo batambwila kano kapepala ka S-70, bafwainwa bukiji bukiji kwikapana ku musapwishi wakonsha kufwakesha ne kutundaika yewo muntu wamwesha lusekelo. Umvwe musapwishi wakankalwa kutana yewo muntu pa nzubo, wakonsha kweseka kumutumina lamya nangwa kusha kakalata pa mpunzha pabengakanako pafwainwa aye mwine mwina nzubo kwikamona. Inge bemwambila amba mufwakeshe yewo muntu wamwesha lusekelo, twasansapo ingilai papelela bulume bwenu bonse kuba’mba mumufwakeshe bukiji bukiji.