Ingijishainga Bibaaba byo Babika pa Kutendekela pa Keyala Wetu wa JW.ORG mu Mwingilo Wenu wa Kusapwila

Pa kutendekela pa keyala wetu patanwa bibaaba ne mavidyo o banengezhezha bantu baji na muchima wa kukeba bukine. (Byu 13:48) Mitwe ikalapo yamba kikatakata pa masawakya a bibena kumweka mwaya ntanda nangwa bintu bilangulukapo bantu ne byo bambapo.

Mwakonsha kwingijisha byepi bibaaba byo babika pa kutendekela pa keyala wetu wa jw.org mu mwingilo wenu wa kusapwila?

• Talainga pa keyala wetu kimye kyonse. Mwafwainwa kumona mitwe yakatataka ijipo ne kuyuka byo mwafwainwa kwiingijisha kukwasha bantu bakeba kufunda pe Lesa. Kutala pa keyala wetu kimye kyonse kukemukwasha kuyuka bintu byakatataka byo mwakonsha kwingijisha mu mwingilo wa kusapwila.

• Pa kutendeka mwisambo, ingijishainga bibaaba ne mavidyo aji pa kipungu kya kuba’mba pa kutendekela pa keyala wetu. Kino kipungu paji bintu byakonsha kwitukwasha kuyuka bibena kulanguluka bantu mu nyaunda.

• Mweshainga bantu kipungu kya kuba’mba pa kutendekela. Bamweshai mitwe ijipo ne kwibabuula bya kutaana yoyo mitwe ne bishinka bikwabo pa keyala wetu.

• Batuminai ka musabilo. Bantu bamo kechi bakeba kwisamba ne atweba ne, bino bakonsha kutemwa kuya pa keyala wetu. Onkao mambo, kechi mwafwainwa kuzhinyazhinya kutumina bantu ba uno mutundu kamusabilo ka vidyo nangwa kibaaba kakebatwala pa kipungu kya kuba’mba pa kutendekela ne.