BYAFWAINWA KWIKALA BENA KILISHITU
Yehoba Upulusha Boba Baji na Bulanda
Kimye kimo atweba bonse tulefulwa ne kumvwa bulanda. Kino kechi kilumbulula’mba kechi tuji na lwitabilo mwi Yehoba ne. Mambo ne Yehoba kimye kimo muchima wanji waubile bulanda. (Nt 6:5, 6) Pano kyakonsha kwikala byepi inge kimye kyonse tumvwa bulanda?
Lombai kwi Yehoba kwimukwasha. Yukai’mba Yehoba utako bingi muchima ku byo mumvwa. Uyuka kimye kyo twikala na lusekelo ne kimye kyo twikala na bulanda. Kabiji uyuka ne ene mambo o twikela na bulanda ne byo tulanguluka. (Sl 7:9b) Kyakilamo kunema, Yehoba wimuta bingi muchima kabiji ukebesha kwitukwasha kuleka kwikala na bulanda nangwa kuleka kwikala na bijikila.—Sl 34:18.
Zhikijilainga Milanguluko Yenu. Kulefulwa kechi kwitulengelatu kwikala na bulanda ne, bino kukookesha ne bulunda bwetu ne Yehoba. Na mambo a kino lekai tuzhikijilenga muchima yetu —ko kuba’mba bumuntu bwetu bwa mukachi.—Man 4:23.
TAMBAI VIDYO WA KUBA’MBA BALONGO NE BANYENGA BYO BABENA KWIYOWA MUTENDE NANGWA BABENA KUPITA MU MAKATAZHO, APA BINO MUKUMBULE ANO MEPUZHO:
Ñanyi bintu byaubile nyenga Nikki pa kuba’mba abulenga kukizhamo kwikala na bulanda?
Mambo ka nyenga Nikki o afuukwijilepo kuya ku kipatela?—Mat 9:12
Nyenga Nikki wamwewsheshe byepi kuba’mba waketekejile mwi Yehoba kumukwasha?