Bibaaba Bikwabo Biji mu Kyamba kya Usopa

Basapwishi bavula bengijisha JW Library^® pa kunengezha kupwila, kabiji bamwenamo bingi mu jishinda jo banengezhezhamo mitwe ya kufunda mu Kyamba kya Usopa. Bino javula mu Kyamba kya Usopa kya kufundamo, mwikala bibaaba bikwabo muji kajo ka ku mupashi. Mwakonsha kutaana byepi bino bibaaba ne kumwenamo, kwingijisha JW Library?

• Ku mpelo ya mutwe yense wa kufunda mu Kyamba kya Usopa, kuji kamutwe kacheche ka kuba’mba “Tangai Bikwabo.” Munshi ya kano kamutwe, chintai po banemba’mba “Bibaaba bikwabo biji mu kino Kyamba kya Usopa.” Pitulukai mu bijimo, ne kumona mitwe ya kufunda byo beitanchika ne manambala ayo. Chintai pa mutwe wa kibaaba kikwabo kyo mukeba kutanga.

• Pa Kutendekela pa JW Library pa kipungu kya kuba’mba “Byo Babikapo Katataka,” mwafwainwa kukopolola Kyamba kya Usopa kya katataka aku kiyapotu. Shinkulai magazini ye mwakopolola ne kuya pa bijimo pa kuba’mba mutange bibaaba byonse bijiimo.