Bya Kuba pa Kufunda

Patanshi Fuukulaipo Bintu bya Kufunda

Atweba bonse kimye kya kwikala na lufunjisho lwa pa bunke kitukepela bingi. Pano bino twafwainwa kwingijisha byepi kimye bulongo pa kuba’mba tumwenemo? Patanshi, ingijishainga kimye kyabaya nangwatu umvwe mubena kutangatu bicheche. Inge ke mwingijishe kimye kyabaya kutangatu bintu bicheche mukamwenamo bingi kukila inge mubena kutanga bintu byavula mu kimye kicheche.

Patanshi fuukulaipo bintu byanema byo mwafwainwa kufunda. (Efi. 5:15, 16) Bino byo bintu byo mwafwainwa kuba:

• Tangainga Baibolo pa juba pa juba. (Sala. 1:2) Kyakonsha kuwama bingi kutendekelapo bitango byo tufunda pa kupwila kwa mukachi ka mulungu.

• Nengezhezhai jimo Lufunjisho lwa Kyamba kya Usopa ne kupwila kwa mukachi ka mulungu. Nengezhai bulongo pa kuba’mba mukakumbulepo.—Sala. 22:22.

• Kabiji esekai kutanga ne kutamba bintu bikwabo bitukwasha kukosesha bulunda bwetu ne Yehoba nabiji magazini wa bena kengi, mavidyo ne bintu bikwabo byo babika pa jw.org.

• Kebakebai bishinka pa kintu kyo mukeba kufunda ne kuyuka bulongo nabiji pa lukatazho lo mubena kupitamo, bwipuzho nangwa mutwe wa Baibolo ye mukeba kukwatakanya. Pa kuba’mba mutaane bintu bimo bya kuba, yai pa jw.org pa kipungu kya kuba’mba “Bya Kwingijisha pa Kufunda Baibolo.”