Ingijishainga Baibolo Bulongo Nobe Kimbonyi

Mwana wa bwanga aye Yakoba waesakenye Baibolo ku kimbonyi kyakonsha kwitukwasha kuyuka byo tuji. (Yako. 1:22-25) Twakonsha kwingijisha byepi Baibolo bulongo nobe kimbonyi?

Tangainga pachepache. Inge twitala mu kimbonyi bukiji bukiji, kechi twakonsha kumona patama po twafwainwa kuwamisha ne. Kyo kimotu, inge ketupitemotu kapambala pa kutanga Baibolo, kechi tukayuka byubilo byo twafwainwa kupimpulako ne.

Tai muchima pa byo mwafwainwa kwingijilapo anweba, kechi bakwenu ne. Bimye bimo, inge tubena kutala mu kimbonyi twakonsha kumonamo bakwetu ne kutatu muchima pa byo babena kumweka. Kyo kimotu, pa kutanga Baibolo twakonsha kutatu muchima pa bintu byatama byuba bakwetu. Kuba bino kechi kwakonsha kwitukwasha kuyuka po twafwainwa kwingijila atweba ne.

Ikalai na mweno yawama. Inge twatatu muchima patama po twamona mu kimbonyi, twakonsha kulefulwa. Twafwainwa kwikala na mweno yawama kimye kyo tubena kutanga Mambo a Lesa. Twafwainwa kuta muchima pa bibena kwitumona Yehoba, kechi pa byo tubena kwimona atweba bene ne.