Funjilaingako ku Bipikichala

Mu mabuku etu, mwikala bipikichala bitufunjisha bintu byanema bingi. Mwakonsha kwingijisha byepi bino bipikichala pa kuba’mba mufunjileko?

• Saka mukyangye kutendeka kutanga, mwafwainwa kutala pa bipikichala bijimo. Bipikichala byakonsha kwimulengela kwikala na mujojo wa kutanga mutwe yense. Inge twatala pa kajo kawama, kino kitulengela kwikala na mujojo wa kukeba kwikaja. Onkao mambo, mwafwainwa kwiipuzha’mba, ‘Ñanyi bipikichala byo mbena kumona?’​—Amo. 7:7, 8.

• Inge mwatendeka kutanga mutwe, langulukai pa ene mambo o babikijilemo byobyo bipikichala. Tangai byambo byalumbulula bipikichala inge pobiji. Langulukai pa byobyo bipikichala byo byakwatankana na mutwe ye mubena kutanga ne byo mwakonsha kwingijisha bishinka byo mwafunjilako.

• Inge mwapwisha kutanga, ingijishai bipikichala pa kupituluka mu bishinka bikatampe biji mu mutwe. Esekainga kuvuluka bipikichala ne bishinka byo mwafunjijileko.

• Esekai kupituluka mu bipikichala biji mu kino Kyamba kya Usopa ne kumona inge mwakonsha kuvuluka bishinka byo mwafunjilako.