Kinembelo kya Mwaka wa 2016

‘Bavula . . . bakeshikwa bene na bene. . . . Butemwe bwa bavula bukakepa.’ (Mat. 24:10, 12) Abino byambo byaambijile jimo Yesu bimwesha’mba butemwe bwa bantu bukayanga na kukepa kimye muzhi wa Yelusalema kyo ajinga pepi kumonauna mu 70 C.E. Pakuba baana ba bwanga ba kwa Yesu bakebayukila ku butemwe bo bemwesha. (Yoa. 13:35) Kibatundaikile bingi bena Kilishitu Bahebelu bajinga mu Yelusalema byo batangile byambo byaambile Paulo pa butemwe bo bajinga nabo ne byo ebatundaikile kutwajijila kwitemwa!

Katatakatu bwikalo bonse bwa kwa Satana bebufumyepo. Byonkatu byajinga balongo ba mu myaka kitota kitanshi, ne atweba tubena kwikala na bantu batemwa mali, batemwa bya kisangajimbwe, betemwatu abo bene, kabiji babula kutemwa Lesa ne bantu bakwabo. (2 Timo. 3:1-4) Nangwa byonkabyo, Bakamonyi ba kwa Yehoba mwaya ntanda betemwa bene na bene. Twayai tusanchile Yehoba, mwine wa butemwe ne kutwajijila kutemwa balongo betu.