Ñanyi Ukapulusha Bantu Babula Bashilikale Nangwa Bakapokola?—Baibolo Waambapo’mba Ka?

Byo byaambile sawakya kufuma ku kipamo kya United Nation:

• Kutatula pa 7 October kufika pa 23 October, 2023, nkondo yabukile pakachi ka bena Israel ne muzhi wa Gaza mu kyalo kya Palestine yalengela bantu 6,400 kufwa ne bantu 15,200 bo bakozha, bavula pa bano bantu kechi bashilikale nangwa bakapokola ne. Kabiji bantu bavula bingi basha mazubo ne kunyemena mu kyalo kingi.

• Kufika pa 24, September 2023 bantu 9,701 bafwa mu nkondo ijiko pakachi ka kyalo kya Russia ne Ukraine kabiji bantu 17,748 bebakozha bingi mu Ukraine.

Baibolo upana ñanyi luketekelo ku bantu bayanda na mambo a nkondo?

Bintu bitulengela kwikala na luketekelo

Baibolo witulaya’mba Lesa ‘ukapwisha nkondo pa ntanda ponse.’ (Salamo 46:9) Ukengijisha kafulumende wa mwiulu nangwa bufumu kufumyapo makafulumende a bantu. (Danyela 2:44) Bufumu bwa Lesa bukaleta mutende ku bantu.

Akimonai Yesu Kilishitu Mfumu wa Bufumu bwa Lesa byo akoba:

• “Aye ukapokolola muyanji ukeba bukwasho, ne mulanda ne yense wabula wa kumukwasha. Ukobila lusa mulanda ne muyanji, kabiji ukapulusha bumi bwa bayanji. Ukebapokolola ku lumanamo ne ku bukapondo.”—Salamo 72:12-14.

Lesa ukengijisha Bufumu bwanji kufumyapo makatazho onse eya na mambo a nkondo ne bumbanzhi.

• “Ukashimuna mipolo yonse ku meso abo, ne lufu, mabingo, kujila ne misongo kechi bikekalako jibiji ne. Bintu bya kala byapichijila.”—Lumwekesho 21:4.

Katatakatu Bufumu bwa Lesa bukawamishe bintu byonse pano pa ntanda. Baibolo waambijile jimo pa “makondo ne nkuwa ya makondo” o tubena kumona mu ntanda lelo jino. (Mateo 24:6) Bino bintu ne bintutu bikwabo bibena kumwesha’mba we are living in “the last days” of human rulership.—2 Timoti 3:1.