BUTALA BWA MABUKU BWA PA INTANETI
Kyamba kya Usopa
BUTALA BWA PA INTANETI
Kikaonde
Pa kukebela
  • Bisopelo
  • BAIBOLO
  • MABUKU
  • KUPWILA
Mabuku a mu Kikaonde (1992-2025)
Shinkai
Shinkulai
BUTALA BWA MABUKU BWA PA INTANETI
Kyamba kya Usopa
BUTALA BWA PA INTANETI
Mwaiyai.
Jino jo jishinda ja kwingijisha pa kukeba mabuku mu milaka ikwabo anemba Bakamonyi ba kwa Yehoba.
Inge mukeba kukopolola mabuku, ingijishai jw.org.
Bya Kubijika
Milaka yo babikapo katatakaBetsimisaraka (Northern), Betsimisaraka (Southern), Konkomba, Matses, Mi'kmaq
  • Lelo

Pa Mulungu, October 12

[Yehoba] ukemulengela kushikimana, ukemukosesha, ne kwimujimba.​—1 Pe. 5:10.

Mambo a Lesa javula amba pa banabalume bajinga na lwitabilo lwakosa. Nangwa kya kuba bano banabalume bamo bajinga na lwitabilo lwakosa, pa bimye bimo balangulukanga’mba lwitabilo lwabo kechi lwakosa ne. Pa bimye bimo Davida walangulukanga’mba lwitabilo lwanji ‘lwakoseletu nobe mutumba,’ pano bino pa bimye bikwabo ‘waubile moyo.’ (Sala. 30:7) Nangwa kya kuba mupashi wa Lesa walengejile Samisonyi kwikala bingi na bulume, bino wayukile’mba kwa kubula bulume bufuma kwi Lesa, wakonsha “kukooka ne kwikalatu byonka biji bantu bonse.” (Mito. 14:5, 6; 16:17) Yehoba ye wapanga bulume bano banabalume ba kishinka. Mutumwa Paulo naye wayukile’mba wakebelenga bulume kufuma kwi Yehoba. (2 Ko. 12:9, 10.) Wakolwa kolwanga. (Nga. 4:13, 14) Kabiji pa bimye bimo kyamukatazhanga bingi kuba bintu byaoloka. (Loma 7:18, 19) Waikalanga ne na bijikila pa bintu byakonsha kumumwekela. (2 Ko. 1:8, 9) Pano bino, Paulo byo aumvwanga kukooka, waikalanga na bulume. Mu ñanyi jishinda? Yehoba wapanga Paulo bulume inge wakooka. Buno bulume bwamukwashanga kuchinchika makatazho. w23.10 12 ¶1-2

Kubalaula Binembelo Moba Onse—2025

Pa Kimo, October 13

Yehoba utala mu muchima.​—1 Sam. 16:7.

Inge kya kuba pa bimye bimo ketulanguluke’mba kechi twanema ne, twafwainwa kuvulukanga’mba Yehoba ye witukookejile kwi aye. (Yoa. 6:44) Yehoba umona byawama mwi atweba byo twakonsha kubula kumona ne atweba bene. Kabiji wayuka biji mu muchima wetu. (2 Moba 6:30) Onkao mambo, inge twayuka’mba Yehoba witunemeka, tukamuketekela bingi. (1 Yoa. 3:19, 20) Saka tukyangye kufunda bukine, atweba bamo twaubilepo bintu byatama byakonsha kwitulengela kwizhachisha. (1 Pe. 4:3) Nangwatu bena Kilishitu baingijila Yehoba pa myaka yavula mu bukishinka, nabo balubankanya. Nanchi ne anweba mwizhachisha nyi? Inge ibyo, yukai’mba bantu ba Yehoba ba kishinka nabo byo byo bomvwa. Bino byo byo kyajinga ne kwi mutumwa Paulo. Waumvwanga kutama ku muchima byo alangulukanga pa bintu byo alubankanyanga. (Loma 7:24) Nangwa byonkabyo, Paulo walapijile ne kubatizhiwa. Pano bino waambile pe aye mwine amba ne “mucheche pa batumwa” bonse kabiji ndengamambo “wakilamo.”​—1 Ko. 15:9; 1 Timo. 1:15. w24.03 27 ¶5-6

Kubalaula Binembelo Moba Onse—2025

Pa Kibiji, October 14

Bashile nzubo ya Yehoba.​—2 Moba 24:18.

Kintu kimo kyo tubena kufunjilako ku kufuukulapo kutama kwa Mfumu Yehoashi ke kya kuba’mba twafwainwa kusala balunda batemwa Yehoba kabiji bakebesha kuba bintu bimutookesha ku muchima. Kwikala na balunda baji bino, kuketukwasha kubanga bintu byawama. Balunda netu bafwainwa kwikala bakulumpe nangwa banyike pe atweba. Vulukai kuba’mba Yehoashi wajinga mwanyike, bino wajinga mulunda ne Yehoyada wamukijileko myaka. Pa balunda bo musala, iipuzhainga’mba: ‘Nanchi balunda nami bankwasha kukosesha lwitabilo lwami mwi Yehoba nyi? Abya bakookela Lesa ne kuntundaika kumukookela nyi? Nanchi bamba pe Yehoba ne bintu byo bafunda mu Baibolo nyi? Abya bakookela mizhilo ya Lesa nyi? Nanchi banjimunako inge natamisha nyi?’ (Maana 27:5, 6, 17) Onkao mambo, kechi mwafwainwa kwikala na balunda babula kutemwa Yehoba ne. Inge balunda nenu batemwa Yehoba, bakemutundaikanga kuba bintu byawama kimye kyonse.​—Maana 13:20. w23.09 9-10 ¶6-7

Kubalaula Binembelo Moba Onse—2025
Mwaiyai.
Jino jo jishinda ja kwingijisha pa kukeba mabuku mu milaka ikwabo anemba Bakamonyi ba kwa Yehoba.
Inge mukeba kukopolola mabuku, ingijishai jw.org.
  • Kikaonde
  • Tuminaiko Bakwenu
  • Byo Mukeba
  • Copyright © 2025 Watch Tower Bible and Tract Society of Pennsylvania
  • Terms of Use
  • Privacy Policy
  • Privacy Settings
  • JW.ORG
  • Shinkulai
Tuminaiko Bakwenu