Kijiilo Kyapeleleko kyo Kika?

NANCHI Kijiilo Kyapeleleko kyo kika kabiji kilumbulula ka ku bantu ba ano moba? Ma Encyclopedia ne ma dikishonale akonsha kwimulumbulwila kuba’mba Kijiilo Kyapeleleko kitelwa ne kuba’mba Kijiilo kya Nkambo kya Mabanga, ke kijiilo Yesu Kilishitu kyoajile na batumwa banji bufuku saka akyangye kufwa lufu lwanji lwa kitapisho. Kitelwa’mba Kijiilo Kyapeleleko mambo akuba kyajinga kyakuja kyapeleleko Yesu kyoajile na baana banji ba bwanga. Kabiji na mambo akuba Nkambo Yesu Kilishitu ye watendekeshe kino kijiilo kyafwainwa kutelwa’mba Kijiilo kya Nkambo kya Mabanga.

Pa myaka yavula, bantu bavula batanwa mu lufu pa mambo a kukeba kukwasha bantu bakwabo. Kabiji kufwa kwabo kumo, kyakine kukwasha bantu pa kimye kimo. Pano bino, lufu lwabo kechi lwaesakanapotu nangwa pacheche na lufu lwa kitapisho lwa kwa Yesu Kilishitu ne. Kabiji kikwabo, kafwako lufu lwa muntu upita mu makatazho ne makondo lwakonsha kukuula bantu bonse ne. Mambo ka?

Tangai mutwe walondelapo muyuke kino, ne kuyuka Kijiilo kya Nkambo kya Mabanga byo kilumbulula kwi anweba.