Kuwamishako Busendwe Bwetu bwa Kusapwila—Kutundaika Bakatataka Kwiya na Kupwila

ENE MAMBO O KYANEMENA: Ku kupwila koko ‘twimbila Yehoba’ ne ‘kumutota.’ (Sl 149:1) Kabiji koko tufunda bya kuba kyaswa muchima wa Lesa. (Sl 143:10) Bakatataka ne botufunjisha Baibolo bakoma bukiji mu moyo wa kwakamwa Lesa inge batendeka kupwila.

BYA KUBA:

• Mwitai ku kupwila inge wamwesha lusekelo lwa kukeba kufunda Baibolo. Kechi mwafwainwa kupembela amba kana mukatendeke kumufunjisha Baibolo ne.—Lum 22:17

• 

  Mulumbulwilai byubiwa ku kipwilo ne byo mukafunda ku kupwila kukalondelapo. Bino byo byakonsha kwimukwasha pa kwita muntu ku kupwila: Kumupa kapepala ka kwichilapo muntu ku kupwila, kumutambisha vidyo wa kuba’mba Ñanyi Bintu Byubiwa pa Nzubo ya Bufumu?, ne kufunda nanji lufunjisho 5 ne 7 mu buloshuwa wa Kyaswa Muchima wa Yehoba

• 

  Mukwashai. Nanchi ao muntu mwakonsha kumukwasha mu ñendelo nangwa kusala bya kuvwala byafwainwa nyi? Ikalai nanji pa kupwila ne kwingijisha mabuku enu pamo. Muyukishai ku balongo