TAIKO MUCHIMA KU MWINGILO WA KUSAPWILA | IKALAI NA LUSEKELO MU MWINGILO
Kwashainga bo Mufunjisha Baibolo Kupwilanga
Kupwila ke lubaji lwanema bingi lwa bupopweshi bwa kine. (Sl 22:22) Aba bonse bapwila pamo na kupopwela Yehoba bekala bingi na lusekelo kabiji bamwenamo byawama. (Sl 65:4) Bantu bo tufunjisha Baibolo bayilko bingi palutwe inge ke batanwe ku kupwila kimye kyonse.
Mwakonsha kukwasha byepi bo mufunjisha Baibolo kutanwanga ku kupwila? Twajijilai kwibeta ku kupwila. Batambishai vidyo wa kuba’mba Ñanyi Bintu Byubiwa pa Nzubo ya Bufumu? Balumbulwilai byo bakonsha kumwenamo mu kupwila. (lff mutwe 10) Babuulai kishinka kyo mwamwenejilemo pa kupwila nangwa kwibabuula byo mukafunda pa kupwila kukalondelapo. Bapai mabuku o mukengijisha pa kupwila. Kabiji mwafwainwa ne kwibakwasha pa bya kwenda pa kuya ku kupwila. Inge mwauba bino mukafuma byawama bingi mambo mukakwasha ye mufunjisha Baibolo kutanwa ku kupwila kimye kitanshi.—1Ko 14:24, 25.
TAMBAI VIDYO WA KUBA’MBA KWASHAINGA BO MUFUNJISHA BAIBOLO KUPWILANGA, APA BINO MUKUMBULE ANO MEPUZHO:
Ñanyi bintu byaji kulengela Neeta kwita Jade kuba’mba akeye na kutanwa ku kupwila?
Mambo ka o twikela na lusekelo inge ye tufunjisha Baibolo waiya na kutanwa ku kupwila?
“Lesa kine muji nanji”
Ñanyi kintu kyamwekele kwi Jade byo ayile na kutanwa ku kupwila kimye kitanshi?