Kwashainga bo Mufunjisha Baibolo Kuchinuzhuka Kupwanañana na Bantu Babi

Pa kuba’mba bekale balunda ba Yehoba, bo mufunjisha Baibolo bafwainwa kupwanañananga na bantu baji na byubilo byawama. (Sl 15:1, 4) Bantu ba uno mutundu bakebakwashanga kuba byawama.—Man 13:20; lff mutwe 48.

Mwafwainwa kwikala na kifyele pa kukwasha bo mufunjisha Baibolo kuleka kupwanañana na bantu baji na byubilo byatama. Kyakonsha kwibakatazha bingi kusankilapo balunda nabo ba mu ino ntanda. Onkao mambo, bamweshainga’mba mwibata muchima ne pa moba o mubena kubula kwibafunjisha Baibolo. Kampe mwakonsha kwibatumina foni nangwa tubyambo pa foni nangwa kuya na kwibapempula pa kakimye kacheche. Pa kupitapo kimye, mwakonsha kutendeka kwibetako kwiya na kusangalela pamo na bantu ba Lesa. Kuba bino kukebalengela kushiinwa’mba bataana bintu byavula kukila ne byo basha. (Mak 10:29, 30) Ne anweba, kwimwena kisemi kya Yehoba byo kikabayilako kukemuletela bingi lusekelo.

TAMBAI VIDYO WA KUBA’MBA KWASHAINGA BO MUFUNJISHA BAIBOLO KUCHINUZHUKA KUPWANAÑANA NA BANTU BABI, APA BINO MUKUMBULE ANO MEPUZHO:

• Kupwanañana na babi kulumbulula ka?—1Ko 15:33

• Jade walangulukilenga’mba kijiilo kya bena Kilishitu kikekala byepi?

• Neeta wakwashishe byepi Jade kuleka kupwanañana na bantu babi?