LWIMBO 55
Kwibachina Ne!
1. Bantu bami iyekai,
Kusapwila Bufumu.
Kuchina mulwanyi ne.
Bonsetu bakishinka
Yukai’mba Kilishitu,
Wamwelele pa ntanda,
Ye ukakasa Satana,
ne kupulusha bantu.
(KOLASI)
Moyo ne, Balunda nami,
Nangwa bemuchinyishe.
Nkemulama bantu bami
Bo natemwa kya kine.
2. Nangwatu balwanyi benu,
Ke bemutale bibi,
Nangwa bemwendeleka,
Kukeba kwimongola.
Moyo ne, mwi bantu bami,
Nangwa bemumanyike,
Bakishinka nkebalama,
Poso ne byo nkashinda!
(KOLASI)
Moyo ne, Balunda nami,
Nangwa bemuchinyishe.
Nkemulama bantu bami
Bo natemwa kya kine.
3. Kechi nemulubako ne;
Yami jikebo jenu.
Nangwa kya kuba mwafwa,
Ami nkemusangula.
Kuchina babula kwangata
bumi bwa myaka ne.
Bakishinka ne ku mpelo;
Bo bo nkapa kilambu!
(KOLASI)
Moyo ne, Balunda nami,
Nangwa bemuchinyishe.
Nkemulama bantu bami
Bo natemwa kya kine.
(Kabiji monai Mpitu. 32:10; Ne. 4:14; Sala. 59:1; 83:2, 3.)