Nanchi Mwanemeka Mambo a Lesa Nyi?

Mu Baibolo muji milanguluko ne byambo bya Yehoba Lesa, Mwine mwina uno buku wazhila. (2Pe 1:20, 21) Pa kulumbulula byo akazhijika jizhina janji kwingijisha Bufumu, Lesa walaya mu Baibolo kuba’mba katatakatu akafumyepo bintu byonse byatama pano ntanda. Kabiji Baibolo wasolola biji Shetu wa mwiulu, aye Yehoba.—Sl 86:15.

Atweba bonse tuji na bishinka byafwainwa kwitulengela kunemeka Mambo a Lesa. Nanchi moba onse mutanga mu buno bupe ne kulondela byo mutangamo kumwesha’mba mwibunemeka nyi? Twayai tumweshenga’mba twatemwa mambo a Lesa, byonka byaambile nyimbi wa Masalamo amba: “Mizhilo yenu byo neitemwapo!”—Sl 119:97.

TAMBAI LUBAJI LWAFUMA MU VIDYO WA KUBA’MBA BANEMEKELE BAIBOLO (WILLIAM TYNDALE), APA BINO MWISAMBE ANO MEPUZHO:

• 

  Mambo ka William Tyndale o atuntulwijile mbaji imo ya Baibolo?

• Mambo ka kutuntulula Baibolo kyo kwanemejile?

• Ma Baibolo atuntulwile William Tyndale beatwajile byepi ku England?

• Twakonsha kumwesha byepi amba twanemeka Mambo a Lesa?