LUFUNJISHO 4
Ntendekelo Yawama pa Kutanga Binembelo
Mateo 22:41-45
BYO MWAFWAINWA KUBA: Ambai byambo bisakulengela bantu kutako muchima ku byambo biji mu kinembelo kyo musakutanga.
BYA KUBA:
Yukai ene mambo o mubena kutangila kinembelo. Inge mubena kutanga kinembelo, kwashai bantu kuta maana pa kishinka kiji mu kinembelo kyo mubena kutanga.
Ingijishainga Baibolo. Inge mubena kwisamba na bantu baitabila mwi Lesa, mweshainga kuba’mba Baibolo kine Mambo a Lesa. Kuba bino kumwesha’mba mu Baibolo mo muji maana a kine.
Ambai bisakulengela bantu kuta muchima pa kinembelo. Saka mukyangye kutanga kinembelo, mwakonsha kwipuzha bwipuzho bo musakukumbula kwingijisha kinembelo. Mwakonsha kutongolapo lukatazho lumo ne kumwesha kinembelo byo kyaambapo, nangwa kwamba pa jifunde jiji mu kinembelo jisakwibakwasha kumvwisha kibena kwambiwapo.